Celebración do Día Nacional de Galicia en Rianxo

O día 25  de xullo celebramos en Rianxo un novo Día Nacional de Galicia coa ofrenda floral a Castelao. Nesta ocasión estiven con Mari Carmen Figueira e o expresidente Emilio Pérez Touriño, quen recordou a figura de Castelao e a súa loita pola dignidade e a lingua de Galicia, pero tamén falou da difícil tarefa que temos por diante para ampliar liberdades e democracia. e facer unha Galicia máis grande.

Foi un día para celebrar o orgullo de ser galegos pero tamén para amosar o respaldo ás vítimas do accidente de Angrois.

Porque traballar pola xente, polos galegos e galegas  é o que nos distingue aos socialistas galegos.

Galicia é a nosa causa e o que nos move. É ente e é xente. Queremos unha Galicia de futuro, de vangarda, que dea oportunidades para todos e todas.A edición do Barbanza de La Voz de Galicia recollía así o acto.

Neste día, os e as socialistas de Galicia facemos 5 propostas para que cambie a vida dos cidadáns da nosa comunidade:

-Fronte ao PP dos recortes e a deterioración da sanidade, o compromiso socialista cunha sanidade pública, gratuíta e de calidade.

-Fronte a un PP que abandona ao medio rural, os socialistas avogamos polo equilibrio do territorio e o desenvolvemento dos concellos pequenos.

-Fronte a un PP que desmantela as políticas sociais e de dependencia, os socialistas queremos dereitos sociais e igualdade de oportunidades para tod@ s os galegos e as galegas.

-Fronte a un PP que deixa unha Galicia sen oportunidades de futuro e sen calidade no emprego, os socialistas requirimos salarios dignos e negociación colectiva.

-Fronte ao declive demográfico de Galicia, os socialistas apostamos por políticas económicas que dean posibilidades de vida á nosa mocidade.

A edición do Barbanza de La Voz de Galicia recollía así o acto:

 

O Comité Nacional Galego

Hoxe celebrouse un novo Comité Nacional Galego, o segundo desde que son secretario xeral do PSdeG e non podía comezar sen lembrar aos compañeiros que perderon a vida nos últimos meses, entre eles quen fora secretario xeral, Xosé Luís Rodríguez Pardo; o líder da UGT Galicia durante 25 anos, Suso Mosquera; e o exdeputado e ex delegado do Goberno en Galicia Miguel Cortizo.

Para eles foi o emotivo aplauso deste Comité Nacional Galego.

Na miña intervención fixen un pequeno análise da situación política cun respaldo ao “paso adiante” de Pedro Sánchez que nos fixo recuperar o protagonismo político cunha nova maioría de cambio con decisións do novo goberno socialista que unha gran parte da sociedade estaba esperando, como a supresión do copago farmacéutico, o programa contra a pobreza infantil, a recuperación do carácter universal da sanidade, a aposta polo diálogo social para mellorar os salarios e a acollida aos migrantes do buque Aquarius

Somos a esquerda e o demostramos nas nosas accións, que reconcilian a política coa sociedade, dando avances para a maioría.

Temos que  aproveitar este impulso da nova situación política para manter o partido forte de cara ás próximas citas electorais, nun escenario no que o resto de partidos están desnortados e sen folla de ruta.

Polo tanto Feijóo ten que tomar nota de que foi a ausencia de asunción de responsabilidades o que rematou coa carreira política de Rajoy e que a súa complicidade co nomeamento da irmá dun alto cargo do PPdeG para a oficina do Valedor do Pobo, pon en xogo a súa credibilidade na loita contra a corrupción.

Nós temos a prioridade social que non ten o PP e a capacidade de xestión que non teñen outras forzas, e debemos recalcar o compromiso municipal do PSdeG e  comprométome que a traballar para poñer a mellor candidatura en cada concello.

O cambio que necesita Galicia comeza cun traballo intenso nas vindeiras municipais que permita chegar co partido reforzado á cita das xerais e as autonómicas.

Agradezo as intervencións dos compañeiros e compañeiras que coas súas opinións axudan a que o PSdeG sexa mellor e máis forte despois de cada Comité Nacional

É o momento da ilusión, do compromiso e do fortalecemento do mellor PSdeG entre todos.

El pase de diapositivas requiere JavaScript.

Socialismo Galego. A revista dos e das socialistas de Galicia

No primero Comité Nacional Galego celebrado despois do 13º Congreso Nacional do PSdeG, cumprindo o compromiso que asumín de dinamizar a vida interna da nosa organización, presentamos a publicación “Socialismo Galego. A revista dos e das socialistas de Galicia”.

Este número 0 trátase dunha iniciativa que ten vontade trimestral e que aspira a converterse nun medio para difundir as nosas propostas, ideas e valores; así como a actividade do PSdeG nesta nova etapa que vimos de encetar.

Esperamos que sexa un instrumento útil de comunicación, no que se vexan recollidas as nosas inquedanzas e iniciativas, en definitiva o noso traballo a prol de dar solución os problemas e arelas dos galegos e galegas.

Déixovos aquí un exemplar  REVISTA_PSDEG_web

E tamén podedes lelo picando na imaxe

Comité Nacional Galego

 

Hoxe o PSdeG celebrou o seu Comité Nacional Galego que non se reunía desde hai dous anos. Era convinte facelo e fixémolo en canto os seus membros foron elexidos nas agrupacións locais.

Impulsamos un partido màis forte como alternativa á dereita, e así o espuxen na miña intervención. Recuperamos o debate e aprobamos por aclamación resolucións políticas en defensa das pensións dignas, a sanidade pública, a igualdade entre homes e mulleres, e dos/as  traballadores/as na xustiza.

Tamèn reprobamos a Feijoo pola súa falta de sensibilidade municipal frente ao acordo que permite que os concellos podan utilizar os aforros cando están saneados, liderado polo presidente da FEMP.

E tamén por aclamación cubrimos os postos da executiva e aprobamos a comisión nacional de listas.

El pase de diapositivas requiere JavaScript.

Moi bo ambiente. Un partido de militantes ao servizo de Galicia.

Grazas a todas e todos polo voso apoio.

________________________________

*Todas as fotos deste CNG podedes velas na miña páxina de Facebook

Encontro con Guillermo Fernández Vara sobre axenda política socialista, financiamento autonómico e políticas sociais.

Este luns mantiven unha reunión de traballo con Guillermo Fernández Vara, presidente de Estremadura, secretario xeral do PSOE Extremadura  e presidente do Consello de Política Federal do PSOE,  para abordar distintas cuestións de relevancia a nivel federal e para as dúas comunidades, así como para coñecer a súa experiencia de goberno polo miúdo.

El pase de diapositivas requiere JavaScript.

Os dous reivindicamos un modelo de financiamento autonómico que permita que tódolos cidadáns, con independencia de onde vivan, teñan os mesmos dereitos.

Déixovos o vídeo da rolda de prensa na canle de Youtube do PSOE Extremadura

E tamén podedes ver a noticia no Telexornal Galicia de TVE (Minuto 9.14) 

Outros enlaces á noticia:

Web do PsdeG

El Diario.es: Vara y el PSOE gallego exigen que todos los españoles tengan los mismos servicios