Entrevista en La Región: “Somos unha opción sólida e viable para a maioría que ve que Galicia non vai ben”

 

Gonzalo Caballero, secretario xeral del PSdeg

Creo que conseguimos visualizar de novo un PSdeG activo e dinámico, que pode configurar unha opción fiable para unha maioría social de galegos que ven que Galicia non vai ben.

Estamos vivindo tempos distintos, boa parte deles marcado pola nova etapa con Pedro Sánchez. O PSdeG está demostrando que sabe conseguir una opción política sólida, que non supón un experimento cara ningures senón que é unha opción viable.

Hai un retroceso electoral moi claro do PP en España e Galicia, evidenciando que se abre un novo tempo que nos permite recuperar a conexión co electorado e gobernar agora España e traballar para facelo en Galicia.

As medidas socialistas son máis necesarias que nunca nun lugar como Galicia, con recortes nos servizos públicos, debilitamento do sector productivo, abandono do rural, sen dinamismo demográfico. Ese é o balance de Feijóo, un mal presidente para Galicia.

Ademais destes pequenos extractos da entrevista que me fixo Pablo Galán para La Región podedes lela completa nesta ligazón ou neste documento: Caballero_ _Somos unha opción sólida e …aioría que ve que Galicia non vai ben_

Socialismo Galego. A revista dos e das socialistas de Galicia

No primero Comité Nacional Galego celebrado despois do 13º Congreso Nacional do PSdeG, cumprindo o compromiso que asumín de dinamizar a vida interna da nosa organización, presentamos a publicación “Socialismo Galego. A revista dos e das socialistas de Galicia”.

Este número 0 trátase dunha iniciativa que ten vontade trimestral e que aspira a converterse nun medio para difundir as nosas propostas, ideas e valores; así como a actividade do PSdeG nesta nova etapa que vimos de encetar.

Esperamos que sexa un instrumento útil de comunicación, no que se vexan recollidas as nosas inquedanzas e iniciativas, en definitiva o noso traballo a prol de dar solución os problemas e arelas dos galegos e galegas.

Déixovos aquí un exemplar  REVISTA_PSDEG_web

E tamén podedes lelo picando na imaxe

Comité Nacional Galego

 

Hoxe o PSdeG celebrou o seu Comité Nacional Galego que non se reunía desde hai dous anos. Era convinte facelo e fixémolo en canto os seus membros foron elexidos nas agrupacións locais.

Impulsamos un partido màis forte como alternativa á dereita, e así o espuxen na miña intervención. Recuperamos o debate e aprobamos por aclamación resolucións políticas en defensa das pensións dignas, a sanidade pública, a igualdade entre homes e mulleres, e dos/as  traballadores/as na xustiza.

Tamèn reprobamos a Feijoo pola súa falta de sensibilidade municipal frente ao acordo que permite que os concellos podan utilizar os aforros cando están saneados, liderado polo presidente da FEMP.

E tamén por aclamación cubrimos os postos da executiva e aprobamos a comisión nacional de listas.

El pase de diapositivas requiere JavaScript.

Moi bo ambiente. Un partido de militantes ao servizo de Galicia.

Grazas a todas e todos polo voso apoio.

________________________________

*Todas as fotos deste CNG podedes velas na miña páxina de Facebook